Астанада ер адамның жасаған ерсі әрекеті әшкере болды

cover Фото: freepik.com

Астанада техника жабдықтарын жалға алып, ломбардға өткізіп жіберетін алаяқ ұсталды, деп хабарлайды Orda.kz. 

Елордада полиция қызметкерлері 28 жастағы ер адамды құрықтады. Ол техника жабдықтарын жалға алып, кейін із-түзсіз кетеді екен.  

«Осындай оқиғамен караоке құрылғысы жоғалды. Жалдаушы оны белгіленген уақытта қайтаруға уәде еткен, алайда кейін байланысқа шықпай қойған. Осылайша 450 мың теңге көлемінде шығын келтірген. Кейіннен ер адамның жабдықты ломбардқа тапсырып, алған ақшаны өз қажеттілігіне жұмсағаны анықталды», делінген ведомство хабарламасында. 

Алаяқтық фактісі бойынша қылмыстық іс қозғалды. Қазіргі уақытта оның елорда аумағында бұрын жасалған 14 осыған ұқсас  эпизодқа қатысы бар екендігі белгілі болды.

Жаңалықтар

барлық жаңалықтар