Астанада ең ірі пәтер ұрлығын жасағандар құрықталды

cover Фото: freepik.com

Полиция қызметкерлері пәтер ұрлығына қатысы бар екі адамды ұстады, деп хабарлайды Orda.kz  Polisia.kz сайтына сілтеме жасап.

Оқиға 2024 жылдың басында болған. Ұрылар үй иесінің жоқтығын біліп, үйін тонап кетті. Жаңа жылдық демалыстан соң үйіне оралған астаналық тұрғын сейфінің ашылғанын байқаған. 

«Одан құны 110 мың АҚШ доллары болатын Breguet Tourbillon, әрқайсының бағасы 55 мың доллар Franck Muller және Daniel Roth, сонымен қатар мың долларлық Rado сағаттары ұрланған. Одан бөлек, сейфтен 650 мың теңге және 2 200 доллар жоғалды» делінген хабарламада.

Полицейлердің жедел жұмысының арқасында күдіктілер құрықталып, олардың кінәсі толық дәлелденді.

Сот шешімі бойынша, күдіктілер сотталды.

Жаңалықтар

барлық жаңалықтар