Астанада 558 млн теңге жымқырған мектеп директоры мен бас есепші сотталды

02 наурыз 2026 15:36 Ләззат Сұңқар

Фото: Әлеуметтік желіден

Астана қаласында ауданаралық сот лауазымдық өкілеттігін асыра пайдаланды деп айыпталған мектеп директоры мен бас есепшіге қатысты қылмыстық істі қарады, деп хабарлайды Orda.kz.

Олар 2015 жылғы қазан айынан 2024 жылғы тамыз айына дейін олар жұмыс уақытын есепке алу табеліне іс жүзінде мектепте жұмыс істемеген алты еден жуушыны тіркеген. Қылмыстық ұйғарым нәтижесінде директор бухгалтермен бірлесіп шамамен 29 млн теңге көлемінде қаражат иемденіп, талан-таражға салған.

Сонымен қатар, осы кезеңде директор 501 оқушыға білім беру қызметі бойынша 183 млн теңге көлемінде жеңілдік беру туралы бұйрық шығарған. Мектеп жарғысына сәйкес, оқу ақылы түрде жүргізілгендіктен мұндай жеңілдіктер қарастырылмаған.

«Бұдан бөлек, 2018 жылғы 1 қаңтар мен 2024 жылғы 31 мамыр аралығында директоры мен бас есепші мектеп жанынан дайындық сыныптарын ұйымдастырған. Осыған орай ата-аналардан бақылау-кассалық аппарат қолданбай, қолма-қол ақша қабылданған. Түскен қаражат мектептің есепшотына аударылмаған және бухгалтерлік есепте көрсетілмеген. Осылайша олар 305 млн теңге жасаған», деп хабарлады соттың баспасөз қызметі.

Сондай-ақ сот 2021–2024 жылдары директор жазғы лагерь қызметі үшін ешқандай есепте көрсетілмеген 25 млн теңгені қалтаға басқан. Бұдан бөлек, 2017 жылғы қазан айынан 2024 жылғы мамыр айына дейін шетелдік мұғалімдердің жалақысын жасанды түрде өсіріп, делдалдар арқылы әрекет ету жолымен тағы 75 млн теңге иемденген.

Ал бас бухгалтер 2017–2024 жылдар аралығында жымқырылған бюджет қаражатын заңдастыру мақсатында шамамен 176 млн теңгені өзінің депозиттік шотына аударып, одан 9 млн теңге сыйақы алған.

Оқи отырыңыз:

Жаңалықтар

барлық жаңалықтар