Астанада 126 мыңнан астам оқушы орыс тілінде оқығысы келеді

Астанада 310 мыңнан аса оқушының 126 195-і орыс тілді сыныпқа барады, деп хабарлайды Orda.kz.

Елорданың білім басқармасының ақпараты бойынша, 2025-2026 оқу жылында қалада 207 жалпы білім беретін мектеп жұмыс істейді. Олар — 122 мемлекеттік, 78 жекеменшік және 7 республикалық мектептер. Бұл мектептерде 310 848 оқушы білім алады. Алайда қазақ сыныптарында 176 457 бала барса, орыс сыныбына — 126 195 бала барып білім алады. 

Сонымен қатар, 35 білім ошағы мемлекеттік тілде, 1 мектеп толығымен орыс тілінде, ал 85 мектеп аралас түрде жұмыс істейді.

Бұған дейін Оқу-ағарту министрі Ғани Бейсембаев балаларын қазақ тілінде оқытқысы келетін ата-аналар санының өсіп жатқанын айтқан еді. Бірақ ведомство орыс тілінде оқытатын сыныптарды жабуға ниетті емес екенін мәлімдеді. 

Сәуір айында президент Қасым-Жомарт Тоқаев мектеп түлектерінің 80%-ы тестілеуді қазақ тілінде тапсыратынын, ал бірінші сынып оқушыларының 70%-дан астамы биыл мемлекеттік тілде оқуды бастайтынын атап өтті. 

Айта кетейік, Ал Ресей мектептерінде қазақ тілінің жоғалу қаупі бар.