«Астана-Зеленстройдың» бұрынғы директоры ұсталды

«Астана-Зеленстрой» ЖШС бұрынғы бас директоры сыбайлас жемқорлық қылмыс жасады деген күдікпен елордалық сыбайлас жемқорлыққа қарсы қызметінің сотқа дейінгі тергеуіне ілікті.

Бұл туралы Антикор хабарлайды.

Оған қылмыстық істі жабу үшін алаяқтық жасады және құқық қорғау органдары қызметкерлеріне 15 миллион теңге көлемінде пара беруге итермеледі деген айып тағылып отыр.

Сонымен қатар, ол Астана қаласының жергілікті атқарушы органдарына атқарылған көпжылдық бұталарды отырғызу құнын жоғарылатып, қызмет бабын асыра пайдаланды деп айыпталды.

Сот шешімімен күдікті қамауға алынды.