Астана мен Алматы «Зорлық-зомбылыққа қарсы 16 күн» науқанын қолдады

Астана мен Алматының негізгі нысандары қызғылт сары түске енді, деп хабарлайды Orda.kz.

«Қызғылт түс - жылу, үміт пен ынтымақтың белгісі. Ол әрбір адамның құқықтарын қорғау қажеттігін және зорлық-зомбылықтың кез келген көріністеріне мүлдем төзбестікті еске салады. Әрбір нысан - көмекке мұқтаж жандарға қолдау көрсету белгісі» деп жазды ҚР Мәдениет және ақпарат министрлігінің баспасөз қызметі. 

ҚР Мәдениет және ақпарат министрлігінің бейнесі

«Гендерлік зорлық-зомбылыққа қарсы белсенді іс-қимылдың 16 күні» халықаралық науқаны жыл сайын 25 қараша мен 10 желтоқсан аралығында өтеді. Ол әлемнің 180-нен астам елін біріктіреді және әйелдер мен қыздарға қатысты зорлық-зомбылық мәселелеріне назар аударуға, отбасылық құндылықтарды нығайтуға және халықтың қол жетімді қорғау шаралары туралы хабардар болуын арттыруға бағытталған. 

Гендерлік теңдік демекші, былтыр Абай атындағы Қазақ ұлттық опера және балет театры президенті жұмысқа орналаса сала  9 қызметкер әйелді бір күнде жұмыстан босатқаны талқыланған болатын.