Ashyq мобильді қосымшасы енді мемлекеттік меншікте

ҚР Цифрлық даму, инновациялар және аэроғарыш өнеркәсібі министрі Бағдат Мусин «Ashyq» жобасы мемлекет меншігіне өтті деп мәлімдеді.

Бұл туралы Orda.kz хабарлады.

Жоба мемлекет меншігіне өткендіктен, жаңа мобильді қосымша дайындалады.

– Бұл сервис жуырда мемлекеттің меншігіне берілді. Кеше осы қосымшаны жасаушы Виталий Пустовойтенкомен құжаттарға қол қойып, «ҰАТ» АҚ өз қарамағына алды. Дербес деректердің қауіпсіздігі үшін алаңдаудың қажеті жоқ - Ashyq-тың барлық серверлері «ҰАТ» АҚ-ның мемлекеттік сервер орталығының контурында қорғалған. Енді қосымша «ҰАТ» АҚ-ның жауапкершілігіне өткендіктен, egovMobile-да арнайы функционал әзірлеуге тапсырма бердім, - делінген министрдің Facebook парақшасында.

Қазіргі таңда Ashyq қосымшасын 1 млн адам жүктеп алған. Олар кәсіпкерлік нысандарда өз мәртебесін тексереді.