Әсери қызметшілердің жалақысы мен зейнетақысы өседі

Қазақстанда әскери қызметшілердің жалақысы мен зейнетақысы артады – мәліметтерді премьер-министр жария етті, деп хабарлайды Orda.kz.

Олжас Бектенов 27 қыркүйекте қабылданған қаулыға сәйкес, құқық қорғау органдары қызметкерлері үшін жаңа еңбекақы жүйесіне көшу жоспарланғанын еске салды. Қаулыға сәйкес, 2025-2026 жылдары әскери қызметшілердің жалақылары кезең-кезеңмен орта есеппен 48,2%-ға өседі.

Қаулыға сәйкес, офицерлердің жалақысы шамамен 20,3%-ға, ал қатардағы және сержанттар құрамының жалақылары 33,9%-ға көтеріледі. Сонымен қатар, офицерлердің жалақылары шамамен 23%-ға, ал қатардағы және сержанттардікі 10%-ға өседі.

«Лауазымдық жалақының артуы әскери қызметшілерге тиесілі басқа да төлемдердің, соның ішінде  мемлекеттік құпияларды сақтау, сауықтыруға арналған және көтерме жәрдемақылардың көбеюіне әкеледі, сондай-ақ зейнетке шыққанда қызмет өтіліне қарай тағайындалатын зейнетақы төлемдері де өседі» делінген депутаттық сауалға жауапта.

Зейнетке шығатын әскери қызметшілердің қызмет өтіліне байланысты төлемдері де қайта қаралып, қазіргі 50–65% орнына 60–75%-ға дейін арту мәселесі талқылануда. Сондай-ақ, коммуналдық қызметтерге 50% төлемді өтеу, даладағы жұмыстарға қосымша төлемдер, әскери қызметшілер мен олардың отбасы мүшелерінің жылына бір рет теміржол көлігімен тегін демалысқа барып келуі және қоғамдық көлікте тегін жүру мәселелері де қарастырылып жатыр.