Арнайы жасақ тілшілерді шығарды: АЭС-ке қарсы шыққандардың соңғы сөзін БАҚ жаза алмады

Бүгін сағат 15:00-де АЭС құрылысына қарсы шыққан белсенділерге қатысты сот отырысы өтуі тиіс еді. Журналистерге видео түсіруге тыйым салып, залдан шығуды талап еткен. Ақыры арнайы жасақ келіп, журналистерді залдан күштеп шығарды, деп хабарлайды Orda.kz тілшісі.

Бүгін «жаппай тәртіпсіздік ұйымдастыруға талпыныс» және «қылмыс жасауға оқталу» баптары бойынша айыпталғандар соңғы сөзін айтуы керек болатын.

Сот залына белсенді мен айыпталушылардың туыстары жиналған.

Алайда отырыс басталмай тұрып-ақ судья Ернар Қасымбеков бір сағаттық үзіліс жариялап, журналистерге видео түсіруге тыйым салып, залдан шығуды талап етті.

Сот үкімі ертең сағат 11:00-де шығады.

Еске сала кетсек, прокурор былтыр АЭС салуға қарсылық білдірген белсенділерді бес жылға соттауды сұрады.