Антикордың шамына тиген ақтаулық блогер бостандыққа шықты

Ақтаулық блогер Азамат Сәрсенбаев «көрінеу жалған ақпарат таратты» деген айыппен 20 күн абақтыда отырып шықты, деп хабарлайды Orda.kz. 

Блогер бүгін, 17 маусым күні бостандыққа шықты. Бұл туралы өзі әлеуметтік желідегі парақшасында жазды. Ол әлі де өзіне әділетсіз шешім шығарылғанын алға тартады. 

Блогер іске ертең кірісетінін, бүгінгі күнін отбасына арнайтынын да жазды.

Айта кетейік, 20 күн бұрын ақтаулық блогерге сыбайлас жемқорлыққа қарсы жалған ақпарат таратқаны үшін айып тағылды. Блогер сот шешімімен келіспеді. Ол сотқа апелляциялық шағым түсірмекші болған. Азамат Сәрсенбаев бассыздық болғанын, құқығы тапталғанын айтты.