Антикор «Айка тізімін» әлі де тергеу үстінде

Антикор «Айка тізімін» әлі де тергеп жатқанын растады, деп хабарлайды Orda.kz порталы.

Бұл туралы Сыбайлас жемқорлыққа қарсы іс-қимыл агенттігінің ресми өкілі Данияр Биғайдаров мәлімдеді.

«Қылмыстық іс Астана қаласы бойынша департаментте тергеліп жатқанын растаймыз. Қазіргі уақытта осы іс бойынша барлық фактілер тексеріліп жатыр. Тергеу қорытындысымен міндетті түрде хабардар етеміз», - деп сендірді Биғайдаров.

Еске салайық, желтоқсан айында интернетте қазақстандық эскорт қыздардың клиенттерінің жеке деректері көрсетілген «Айка тізімі» жарияланған еді. Көп ұзамай ІІМ бұл тізімнің тарап кетуіне байланысты тергеу жүргізіп жатқанын хабарлаған.