Әнші Қайрат Байбосыновқа «Қазақстанның Еңбек Ері» атағы берілді

Мемлекет басшысының жарлығымен Қайрат Әукенұлы Байбосыновқа «Қазақстанның Еңбек Ері» атағы берілді, деп хабарлайды Orda.kz. 

Бүгін, 20 мамыр күні мәдениет және өнер қызметкерлерінің кәсіби мерекесі қарсаңында Ақордада салтанатты жиын өтті. Мемлекет басшысы Қасым-Жомарт Тоқаев мәдениет және өнер қызметкерлерін марапаттау рәсімінде сөз сөйледі. 

Президент ұлтымыздың болмыс-бітімін сақтауға, халқымыздың руханиятын байытуға зор үлес қосып жүрген сала қызметкерлеріне ризашылығын білдірді. Жиын барысында президент Қайрат Әукенұлы Байбосыновқа «Қазақстанның Еңбек Ері» атағын берді. Сондай-ақ президент жарлығымен ұлттық мәдениетті дамытуға және насихаттауға қосқан айрықша үлесі, мәдениет саласындағы аса үздік жетістіктері және Қазақстан Республикасына сіңірген еңбегі үшін бір топ азамат мемлекеттік наградалармен марапатталды.

Қасым-Жомарт Тоқаевтың айтуынша, мемлекет өнер саласын өркендетуге әрдайым ерекше мән береді. 

Айта кетейік, бүгін Абай облысының экс-әкімі жаңа лауазымға тағайындалған еді.