«Америка дауысы» медиакорпорациясында тағы да жаппай қысқарту: жүздеген адам жұмыстан босатылды

Orda.kz The New York Times басылымына сілтеме жасап, АҚШ-тың Ғаламдық медиа агенттігі (USAGM), бұл медиакорпорацияның қаржыландыруына жауап беретін мекеме штат санын қысқартудың жаңа кезеңін бастағанын хабарлайды.

Агенттіктің баспасөз хабарламасында USAGM мен «Америка дауысы» корпорациясының 639 қызметкері жұмыстан босатылатыны туралы хабарлама алғаны айтылған. Ведомство 2025 жылдың наурызынан бастап 1400 адамды немесе қызметкерлердің 85 пайызын қысқартқанын нақтылады.

«Бұл әрекет – президенттің заңда қарастырылмаған барлық функцияларды жою және USAGM агенттігінің заңмен белгіленген ең төменгі деңгейге дейін қысқартылуы туралы нұсқауын орындау. Көпжылдық федералдық тәжірибесі бар аға буын қызметкерлері 81 қызметкерді сақтап қалуды көздейтін жоспарды мақұлдады» деп жазылған құжатта. 

«Америка дауысы» радиосының журналистері мен техникалық персоналы 1 қыркүйекке дейін ақылы демалысқа жіберіледі.

«Бұл қысқартулардың ешқандай нақты стратегиясыз немесе мақсатсыз жүзеге асырылып жатқаны өте қауіпті. Егер бұл үдеріс бақылаусыз қалса, ол АҚШ-тың ұлттық қауіпсіздігіне нұқсан келтіруі мүмкін» деп жазды радиостанция директоры Майкл Абрамовиц. 

Ол медиакорпорацияның бұл әрекеттерге қатысты сотта дауды жалғастыратынын атап өтті.

Еске сала кетейік, наурыз айында «Америка дауысы» радиостанциясы хабар таратуын тоқтатқан болатын. 1,3 мыңнан астам қызметкер демалысқа жіберілді.

Биылғы наурыз айында Вашингтон бюросының бұрынғы басшысын қоса алғанда, «Америка дауысы» журналының алты журналисі Трамп әкімшілігінің өкілдеріне қарсы талап арыз жазды.