Алты облыстағы 15 жол учаскесіндегі қозғалысқа шектеу қойылды

Полицейлер күндізгі уақытта Астана-Петропавл  жолындағы көліктерді  тізбекпен алып жүреді.

30 желтоқсанда Қазақстанның алты облысында ауа райының қолайсыздығына байланысты (жаңбырдың қарға айналуы, ауа температурасының төмендеуі, көктайғақ) республикалық маңызы бар жолдардың 15 учаскесінде көлік қозғалысына шектеу қойылды, деп хабарлайды «ҚазАвтоЖол».

Шектеу қолданылатын жерлер:

Ақмола облысы – бес учаске;

Жамбыл облысы – бір учаске;

Жетісу облысы – бір учаске;

Қарағанды ​​облысы – алты учаске;

Павлодар облысы – бір учаске;

Ұлытау облысы – бір учаске.

Шектеу көліктердің барлық түрлеріне қатысты. Қазіргі уақытта республикалық маңызы бар жолдарда 252 бірлік техника мен 429 адам жұмыс істеуде.