Алматының коммуналдық кәсіпорындары күшейтілген дайындыққа көшті

18 мамырда оңтүстік астанада ауа райының күрт нашарлауы күтілуде. Осыған байланысты қаланың коммуналдық қызметтері күшейтілген дайындыққа келтірілді,  деп хабарлайды Orda.kz.

 Мегаполистің коммуналдық инфрақұрылымын дамыту басқармасының хабарлауынша, 18 мамыр күні түстен кейін қала көшелеріне 515 арнайы техника, 27 мотор сорғысы және 755 жол жұмысшылары шығады.  

Сондай-ақ, мотор сорғыларымен және құрал-саймандармен жабдықталған 42 жедел бригада әзірлікте тұр.

«Алматы қаласының құтқару қызметі»  арқылы  15 техника мен 50 жеке құрам кезекшілік етеді. Төтенше жағдайлар департаменті   55 техника мен 245 қызметкер жұмыс істеп тұрғанын мәлімдеді.

 Бұған дейін Қазгидромет 18 мамырда оңтүстік елордада күн күркіреп, бұршақ жауады деп болжаған болатын. Жауын-шашынның мөлшері 20 мм-ге жетуі мүмкін. Екпіні 18-23 м/с жылдамдықпен жел соғады деп күтілуде.