Алматыдағы базарлардың бірінде өрт шықты

25 қыркүйекке қараған түні Алматыдағы Алатау ауданындағы Солтүстік айналым шағын ауданында сауда базарының аумағында тез жасалатын тағам дүңгіршегі өртеніп, от металл контейнеріне ауысып, 50 шаршы метр жерді өрт шарпыды, деп хабарлайды Orda.kz.

Төтенше жағдайлар министрлігінің мәліметінше, жергілікті базарда жылдам тамақ сататын дүңгіршекке от түскен. 

«Оқиға орнына ТЖМ алғашқы бөлімшелері жеткен кезде, бір қабатты дүнгіршек жанып,  жалынның көрші ғимараттарға таралу қаупі туындағаны анықталды. Өрт сөндірушілердің үйлесімді және кәсіби іс-әрекеттерінің арқасында,  50 ш.м. алаңдағы өрт жедел түрде сөндірілді»,  деп мәлімдеді ТЖМ баспасөз қызметі. 

Құтқарушылар өртті дер кезінде оқшаулап, жалынның әрі қарай жайылуына жол берген жоқ.

Өрт сөндіру барысында екі газ баллоны сыртқа шығарылды. Зардап шеккендер жоқ.