Алматыда жаңа туған сәбиді сатпақ болған топ құрықталды

Алматы қаласы бойынша ҰҚК департаменті мен полиция департаментінің ұйымдасқан қылмысқа қарсы күрес басқармасы жаңа туған сәбилерді саудаға салған қылмыстық топқа бұғау салды, деп хабарлайды Orda.kz.

Тергеушілердің деректеріне зер салсақ, бұл қылмыстық жол бірнеше жыл бойы жұмыс істеген және әлеуметтік желілер арқылы ұйымдастырылған. Күдіктілер әлеуметтік тұрғыдан осал топтағы әйелдердің жаңа туған балаларын шетел азаматтарына заңсыз түрде үшінші тұлғаларға беруіне делдал болған.

«Полиция қызметкерлері жаңа туған ұл баланы қлмақты ақшаға сатпақ болған әрекеттің жолын кесті. Күдіктілер ақша беріп жатқанда, қылмыс үстінде ұсталды. Бала мемлекет қамқорлығына алынып, арнайы мекемеге орналастырылды», деп хабарлады ІІМ баспасөз қызметі.

Осы оқиға бойынша қылмыстық іс қозғалды, күдіктілер қамауға алынды. Қазір тергеу амалдары жүргізіліп жатыр. Сонымег бірге басқа өңірлер де тексеріліп жатыр.