Алматыда табылған жаңа туған сәбидің жағдайы ауыр: анасы іздестіріліп жатыр

Дәрігерлер Алматы қаласы Түрксіб ауданында тұрғын үйдің кіреберісінен табылған сәбидің жағдайы туралы айтты, деп хабарлайды Orda.kz. 

Алматыда екіқабатты үйдің кіреберісінен жаңа туған сәби табылғанын хабарлаған едік. Жаңа туған қыз баланы Чернышевский көшесіндегі үйлердің біріне тастап кеткен. Түрксіб аудандық полиция басқармасы қылмыстық іс қозғады. Сәбидің анасы іздестіріліп жатыр.

Алматы қаласы денсаулық сақтау басқармасының мәліметінше, нәресте ауыр жағдайда ауруханаға жеткізілген. Қазір нәресте реанимацияда жатыр. Дәрігерлер оған барлық қажетті көмек көрсетілетінін айтты.