Алматыда Сәтпаев шыңына шығып, түсе алмай қалған екі қыз құтқарылды

Екі туристің Сәтпаев шыңына шығамыз деп бастары бәлеге қалды. Олардың біреуі аяғын қайырып алғанымен қоймай, тау ауруы белгілерін сезінді. Алайда екеуін де құтқарушылар дер кезінде шыңнан түсіріп алды, деп хабарлайды Orda.kz.

 ТЖД мәліметінше, қыздар 4300 метрден астам биіктікке көтеріліп алып өз беттерінше түсе алмаған.

 Оларды іздеуге Алматы қаласы ТЖД құтқарушылар жасағы аттанды. Жағдайды байланыстың жоқтығы мен координаттың дәл еместігі қиындатып,  құтқарушыларға тау бөктерін біртіндеп тексеруге тура келді.

«Бірнеше сағаттан кейін көзбен шолу байланысы арқылы олар табылды. Қыздар қуанғандарынан жылап жіберді. Бастысы оларға медициналық көмек қажет болған жоқ»,  деп түсіндіріп өтті Алматы қаласы ТЖД. 

 Құтқарылған туристер. Фото: Алматы ТЖД

ТЖД қызметкерлері туристерді төменге түсіріп, туыстары күтіп тұрған эко-постқа жеткізді. Әрекет сәтті аяқталды.

 Бір апта бұрын біз Түркістан облысының Бәйдібек ауданындағы Үлкен Тұра шыңына шықпақшы болып Шымкенттен келген  алты турист туралы жаздық. Әйелдердің бірі аяғын сындырып, топ өз бетінше түсе алмай тау басында қалды. 

Еске салсақ, Каппадокияда  шетелдік турист қыздың түріктердің туы тігілген тұғырға шығып, би билеген видеосы әлеуметтік желілерде таралып, жергілікті тұрғындардың наразылығын туғызды. Турист қыз үш жылға дейін бас бостандығынан айырылуы мүмкін.