Алматыда КамАЗ жоғары вольтты бағанаға соғылды

Алматыдағы М.Оспанов көшесінде КамАЗ жүк көлігі қатты жылдамдықпен келе жатып, аялдама жанындағы жоғары вольтты бағанаға соғылды.

Фото, видеоны Orda.kz редакция ботына оқырмандарымыз жіберді.

Оқиға орнына полиция қызметкерлері 40 минуттан кейін жеткен.

«Қатты бұрылыстар мен тар жол бар. Бірақ барлық жүк көліктері жоғары жылдамдықпен жүреді, маусымына бір рет осындай үлкен апат болады. Көршілер әкімдікке қауіпті екенін хабарлаған. Адамдарға жаяу жүргіншілер жолы жоқ, ал жақын жерде мектеп бар, балаларға қауіпті екенін жазғанбыз. Ал бұл аумақта жүк көліктері үнемі қатты жылдамдықпен жүреді. Бірақ билік тарапынан ешқандай қимыл-әрекет жоқ. Осыны көпшілікке жариялауыңызды сұраймыз» деп бөлісті алматылық оқырмандарымыз.

 Жұрт бағана құлап, өрт шығуы мүмкін деп қорқады.