Алматыда дабыл қосылып, «президенттік хабарлама» келді

Алматыда сейсмикалық қауіпке байланысты дабыл қосылып, тұрғындарға «Президенттік хабарлама» келе  бастады, деп хабарлайды Orda.kz.

Бүгін Алматы қаласында төтенше жағдайларға дайындық мақсатында жалпы қалалық сейсмикалық оқу-жаттығу өткізілді. Оқу-жаттығу барысында қалада дабыл жүйесі қосылып, алматылықтардың ұялы телефондарына арнайы «Президенттік хабарлама» жіберілді. Бұл шара сейсмикалық белсенді аймақтағы тұрғындарды апатқа даярлау үшін ұйымдастырылды.

Оқу-жаттығу барысында Алматының әртүрлі аймақтарында дабыл қағылып, халыққа жер сілкінісі кезіндегі эвакуация тәртібі мен қауіпсіздік шаралары түсіндірілді. Төтенше жағдайлар департаментінің мәліметінше, мұндай шаралар жер сілкінісі кезінде адамдардың өмірін сақтап қалу үшін маңызды рөл атқарады.