Алматыда 14 жасқа дейінгі балалар арасында қызылша өршіп тұр

Алматы қаласында қызылшаға қатысты эпидемиологиялық жағдай тұрақсыз болып отыр. Бұл туралы қалалық Алматы қаласының санитарлық-эпидемиологиялық бақылау департаменті Өңірлік коммуникациялар қызметінде өткен брифингте мәлімдеді, деп хабарлайды Orda.kz. 

Мамандардың мәліметінше, 2026 жылдың басынан бері қалада қызылшаның 591 жағдайы тіркелген. Ауру жұқтырғандардың басым бөлігі – 14 жасқа дейінгі балалар.

Аудандар арасында ең жоғары көрсеткіш Алатау ауданында тіркелген. Сондай-ақ Наурызбай, Бостандық және Әуезов аудандарында да жағдай күрделі.

Ведомствоның мәліметінше, ауырғандардың дені екпе алмағандар. Барлығы 6 мыңнан астам байланыста болған адам анықталып, медициналық бақылауға алынған. Эпидемиологиялық көрсеткіштер бойынша жүздеген адамға қосымша вакцина салынған.

Қызылша жағдайы тіркелген білім беру ұйымдарында кабинеттік жүйе уақытша тоқтатылып, екпе алмаған балалар оқшауландырылады. Мамандар қызылшаның және оның асқынуларының алдын алудың тиімді жолы – екпе алу екенін еске салды.

Оқи отырыңыз:

• Алматы әлемдегі ең лас 10 қаланың қатарына қосылды
• Алматы тауларында қар көшкіні кезінде студент қаза тапты
• «Сен сияқтыларды колонияға қамау керек»: Алматы облысында болған оқушы өліміне кім кінәлі?