Алматы облысында экс-әкім Бағдат Қарасаевқа қатысты сот басталды

Алматы облысында Іле ауданының бұрынғы әкімі Бағдат Қарасаевқа қатысты басты сот отырысы басталды. Судья Жанмұрат Батыров төрағалық етуде, деп хабарлайды Orda.kz.

Сот отырысы бүгін сағат 10:00-ге тағайындалған. Басты сот талқылауы 5 маусымға жоспарланған болатын, алайда кейінірек күні өзгертілген.

Бұған дейін Алматы облыстық прокуратурасы Қарасаев және басқа да тұлғаларға қатысты қылмыстық істі сыбайлас жемқорлыққа қарсы қызмет алдын ала тергеуді аяқтағанын хабарлаған еді. Іс 2025 жылдың 31 наурызында Алматы облысы Іле аудандық сотына жолданған.

Іс бойынша күдіктілерге Қылмыстық кодекстің жеті бабы бойынша айып тағылып отыр:

• 189-бап — «Сеніп тапсырылған бөтен мүлікті иемдену немесе ысырап ету»;
• 190-бап — «Алаяқтық»;
• 324-бап — «Шаруашылық және өзге де қызметте экологиялық талаптарды бұзу»;
• 361-бап — «Лауазымдық өкілеттіктерді асыра пайдалану»;
• 362-бап — «Билікті немесе лауазымдық өкілеттіктерді асыра пайдалану»;
• 364-бап — «Кәсіпкерлік қызметке заңсыз қатысу»;
• 369-бап — «Қызмете жалғандық жасау».

Бағдат Қарасаевтан бөлек, бұл істе тағы үш адам күдікті ретінде танылған. Сыбайлас жемқорлыққа қарсы қызмет 2024 жылдың қыркүйек айында Бағдат Қарасаевты сыбайлас жемқорлыққа қатысты күдікпен ұстаған. Сол кезде Антикор Іле ауданының әкімі ұсталған сәттің бейнежазбасын көрсеткен еді.

Кейін Алматы облыстық прокуратурасы Іле ауданындағы қоқыс полигоны қызметіне жүргізілген бірлескен тексерістің нәтижесінде әкімнің сыбайлас жемқорлық күдігімен ұсталғанын мәлімдеді.

Еске салайық, бұған дейін Orda.kz Алматы облысының сыбайлас жемқорлыққа қарсы қызметі Іле ауданының әкімі Бағдат Қарасаевты ұстағаны жайлы жазды.