Алматы - Минск рейсінің тоқтауына Протасевичтің қатысы бар ма?

Air Astana 31 мамырға жоспарланған Алматы-Минск рейсін тоқтатты, бірақ оның саясатқа ешқандай қатысы жоқ.

Минскіге рейстің тоқтатылуы туралы ақпарат 24 мамыр күні пайда болды, көңілі қалған жолаушылар әлеуметтік желілерде сатып алынған билеттерді тапсыру туралы жазды. Сондай-ақ, ұлттық тасымалдаушының ресми сайтында Минскіге билет сату туралы хабарландыру жоғалып кетті.

Orda.kz Air Astana компаниясының баспасөз қызметіне «Бұл Ryanair компаниясының ұшағымен болған оқиғаға және оппозициялық белорустық Nexta паблигінің бұрынғы бас редакторының ұсталуына байланысты ма?» деген сұрақпен жүгінген болатын. Ведомства өкілдері рейстің шынымен тоқтатылғанын және оның Минск әуежайындағы оқиғаға еш қатысы жоқ екенін мәлімдеді.

25 мамыр күні таңертең Air Astana авиакомпаниясы Минскіге рейстерді іске қосуды неге тоқтатуды шешкеніне қосымша түсініктеме берді.

– Air Astana 2021 жылғы 31 Мамырда ашылуы жоспарланған Алматы – Минск бағыты бойынша әуе қатынасын іске қосуды тоқтатты, рейстерді тоқтату туралы шешім 20 мамырда коммерциялық жүктеменің төмендігіне байланысты қабылданды. Жолаушыларға рейстердің тоқтатылғаны туралы хабарлама сол күні жіберілді, – делінген тасымалдаушының хабарламасында.

Еске салайық, Минск әуежайында Nexta және «Беларусь головного мозга» Telegram каналының негізін қалаушы Роман Протасевич ұсталған болатын. Журналистке тағылған айыптар расталған жағдайда Роман өлім жазасына кесілуі мүмкін.