Алматы мен Қонаев арасында салынатын ЛРТ-ны кореялық компания салады

Алматы мен Қонаев қалаларының арасын жалғайтын ЛРТ жүйесін оңтүстік кореялық компания салмақшы. Бұл ақпаратты Ақмола облысының баспасөз қызметі растады, деп хабарлайды Orda.kz.

ЛРТ құрылысы бойынша меморандумға 2024 жылдың сәуір айында қол қойылған болатын. Облыстық әкімнің орынбасары Рустам Исатаев осы жобаны талқылау үшін Оңтүстік Кореяның REED Co компаниясының делегациясымен кездесті.

«Алматы облысы – жоғары инвестиция және инфрақұрылым жағынан әлеуеті бар, қарқынды дамып келе жатқан өңір. Біз тұрғындардың көлікке қолы жетіп, өмір сүру сапасының жақсаруына мән береміз. Маглев технологиясын қолданатын ЛРТ жобасы – осы бағыттағы маңызды қадам болмақ», – деді әкімнің орынбасары.

Исатаев Оңтүстік Корея Қазақстанның негізгі экономикалық серіктестерінің бірі екенін және қазір Алматы облысында олардың капиталының қатысуымен 15 кәсіпорын жұмыс істейтінін атап өтті.

«Қос тарап ЛРТ жобасын іске асырудың өңірдегі көлік жүйесін дамытудың жаңа кезеңі болатынына және технологиялық, экономикалық өсуге серпін беретініне сенім білдірді. Әкімнің орынбасары жергілікті атқарушы органдар жобаны іске асырудың барлық кезеңдерінде толық қолдау көрсететініне сендірді»,  деп атап өтті әкімдік.