«Ақтөбедегі оқушының өлімі»: Үш жасөспірім қамауға алынды

Ақтөбе облысының Қопа ауылында  14 жастағы мектеп оқушысын өлтірді деген күдікпен үш жасөспірім қамауға алынды, деп хабарлады Orda.kz.

Облыстық полиция департаменті күдіктілердің уақытша ұстау изоляторына қамалғанын растады.

«Күдіктілердің әлеуметтік мәртебесіне және туыстық байланыстарына қарамастан, олар жауапкершілікке тартылады», – деді Ақтөбе облысы полиция департаменті бастығының орынбасары Ғалым Байжанов.

Бұл қайғылы оқиғадан кейін Қазақстан Республикасы Оқу-ағарту министрлігі шұғыл кеңес өткізгенін Балалар құқықтарын қорғау комитеті өкілдері хабарлады.

Еске сала кетсек, Orda.kz марқұмның отбасы кінәлілер құқық қорғау органдарындағы байланыстары арқылы жазадан құтылып кетуі мүмкін деп алаңдап отырғанын жазған болатын.