Ақтөбеде тоқ соққан оқушы жансақтау бөлімінде жатыр
Фото: Orda.kz
Ақтөбе облысының Шалқар ауданында 10 жастағы бала скверде ойнап жүріп, тоқ соғып ауыр жарақат алды. Жасөспірім санавиациямен Ақтөбе қаласына жеткізіліп, облыстық балалар ауруханасының жансақтау бөліміне жатқызылды, деп хабарлайды Orda.kz.
Оқиға 19 маусым күні Шалқар қаласындағы Ідіріс Үргенішбаев көшесінде болған. Оқушы сквердегі жарық шамының үстіне шыққан кезде тоқ соққан.
Шалқар ауданының әкімі Жанболат Жидеханов оқиғаның мән-жайын түсіндірді.
«Бала ойнап жүріп, жарық шамының үстіне шыққан. Бұл сквер 9 мамыр қарсаңында ғана салынған болатын. Көмек дер кезінде көрсетілді. Бүгін таңертең санавиациямен Ақтөбе қаласына жеткізілді», – деді әкім.
Дәрігерлердің айтуынша, оқушы термиялық күйікке шалдыққан. Қазіргі уақытта жағдайы ауыр. Облыстық денсаулық сақтау басқармасы ресми мәлімет берді.
«19 маусым күні 10 жастағы бала жедел жәрдеммен Шалқар аудандық ауруханасына жеткізілді. Бірден жансақтау бөліміне жатқызылды. Ақтөбе облыстық көпсалалы балалар ауруханасының мамандарымен бейнебайланыс арқылы консилиум өтті. 20 маусымда санавиация арқылы облыс орталығына жеткізілді. Қазіргі жағдайы ауыр»
Құқық қорғау органдары оқиғаның мән-жайын анықтап жатыр.
«Шалқар аудандық полиция бөлімі ҚР ҚК 306-бабы — «Қызмет көрсету талаптарына сай болмау» бабы бойынша сотқа дейінгі тергеу амалдарын бастады. Бала медициналық мекемеде. Қазір оқиға себептері мен жауапты тұлғалар анықталуда» , деп хабарлады облыстық полиция департаменті.
Автор: Ардақ Ерубаева
Жаңалықтар
- Тоқаевтың тапсырмасымен Мәулен Әшімбаев Иран елшілігіне барып, көңіл айтты
- Әлиев Нахчыван әуежайына жасалған шабуыл туралы мәлімдеме жасады
- Қазақстанда доллардың құны бірден төмендеді
- Иран Нахчыванға дрон ұшырды деген айыптауды жоққа шығарды
- Астана мен Алматы Халықаралық әйелдер күнін қалай қарсы алады
- Әзербайжан Ираннан Нахчыванға дрон шабуылына қатысты шұғыл түсініктеме талап етті
- Ирандық дрондар Әзербайжанның Нахчыван әуежайына шабуыл жасады
- Атырау облысындағы қанды қылмыс: Күдіктілер Индонезиядан қашан экстрадицияланады
- Тоқаев Сауд Арабиясының тақ Мұрагеріне алғыс айтты
- Иран билігі Түркияға соққы жасады деген ақпаратты жоққа шығарды
- Жібек жолы ауылында өз отбасын қырып тастаған күдікті бұрын сотталған
- Терезеден сығалаған: Атырау облысында сталкинг дерегі бойынша алғашқы үкім шықты
- Кәмелетке толмаған жасөспірім ұлтаралық араздық қоздырғаны үшін сотталды
- Бүгінгі Таяу Шығыс: Тегеранға соққылар жасалып жатыр, Иран жауап ретінде зымыран ұшырды
- МӘМС арқылы миллиондаған теңге залал: Алматыда жеке стоматологиялық клиникалардың директоры үйқамаққа алынды
- Украинадан оралған Лұқпан Ахмедияров пен Рауль Упоров Астана әуежайында ұсталып, тексерістен кейін босатылды
- ІІМ шетелге барып жұмыс істегісі келетіндерге үндеу жасады
- Thailand Open турнирі: Қазақстан ескек есуден «алтын» алды
- Соғыстың алғашқы екі күнінде Иран астанасынан 100 мың адам кетіп қалды — БҰҰ
- Иранда Әли Хаменеимен қоштасу рәсімі кейінге шегерілді
