Ақтөбеде алаяқтық жасаған аудандық мәслихат депутаты алты жылға сотталды

Ол Ақтөбе облысында шаруа қожалығына бөлінген 457 миллион теңге субсидияны ұрлағаны үшін кінәлі, деп хабарлайды Orda.kz порталы.

2020 жылы депутат несие рәсімдеу кезінде нақтыланбаған ақпарат беріп, 390 млн теңге несие алған. Алған ақшасын туысқанына берді және одан кейін депутаттың жеке шотына 290 миллион теңге түскен.

«2021-2022 жылдары субсидия алуға жалған өтінім беріп, 67 млн алған. Бірақ ол оны өз қажеттіліктеріне жұмсаған», - деді соттың баспасөз қызметі. 

Сот депутатты Қазақстан Республикасы Қылмыстық кодексінің 190-бабы 4-бөлігінің 2-тармағы «Алаяқтық» бойынша кінәлі деп таныды. Ол алты жылға бас бостандығынан айырылды.