Ақтөбе студенті жасанды зердемен Әлия Молдағұлова жайлы комикс жасады

Heriot-Watt университетінің Ақтөбе кампусының Компьютерлік инженерия мамандығының 2-курс студенті Көркемай Елеусіз Марсельқызы Кеңес Одағының Батыры Әлия Молдағұлованың 100 жылдығына орай комикс жасады, деп хабарлайды Orda.kz.

Студент жасанды зердені пайдаланып, батырдың ерлігі мен рухын қазіргі заман талабына сай жеткізетін комикс жасады.

Жоба бастауыш сынып оқушыларына арналған және Әлия Молдағұлова туралы ақпаратты жеңіл әрі қызықты формада ұсынуды көздейді. Комикс, сондай-ақ, өскелең ұрпаққа мотивация беріп, ұлттық рухани құндылықтарды жаңғыртуға үлес қосуды мақсат етеді.

Бұл жобаның ерекшелігі – жасанды зерденің шығармашылық салада қолданылуы болды. Сондай-ақ тарихи тұлғаның ерлігін жаңа формада танытудағы жаңашылдығымен ерекшеленеді.

Қазақстан биыл жеңістің 80 жылдығына ерекше дайындалып жатыр. Еске салайық, бұған дейін жеңістің 80 жылдығына арналған шеруге Қазақстанның 2,5 млрд теңге жұмсайтыны айтылды. 

Сонымен қатар, Orda.kz Ресей президенті Владимир Путин «Казахстанская правда» газетіне берген сұхбатында Қасым-Жомарт Тоқаев пен қазақстандық достарын жеңістің 80 жылдығына арналған мерекеге шақырғаны жайлы жазды. 

Автор: Ардақ Ерубаева