«Ақшаны мұздатқышқа жасырған»: Медицина университетінің бұрынғы ректоры пара алғаны үшін сотталды

Марат Оспанов атындағы Батыс Қазақстан медицина университетінің бұрынғы ректоры Әсет Қалиев кәсіпкер Инесса Мутургановадан пара алғаны үшін сотталды, деп хабарлайды Orda.kz. 

Іс материалдарына сәйкес, 2022 жылдың қыркүйегінде Қалиев БҚМУ ректоры лауазымына орналасқаннан кейін көп ұзамай өзі бірнеше жылдан бері білетін Мутургановаға «Samruk-Kazyna Trust» қорынан қаражат алуды ұсынды. Ол университет жанындағы онкологиялық науқастарды оңалту бөліміне қаражат алу үшін қорға жүгінуді жоспарлады. 2023 жылдың қыркүйегінде университет пен қор арасында 249 миллион теңгеге қайырымдылық көмек туралы келісім жасалды. Осыдан кейін Мутургановаға тиесілі «Aspasia LTD», «KIFMED» ЖШС және «Власова» ЖК компаниялары ректордың қолдауымен бірнеше рет тендер жеңіп, жалпы 196 миллион теңгеге жабдық жеткізген. Алаяқтық іс-әрекеттер әрі қарай жалғасты. 

Сол күні кешке Антикор Қалиевтің үйінде тінту жүргізді. Мутургановадан алған ақшасын қауіпсіздік қызметкерлері мұздатқыштан тапты. 

Ректор мен кәсіпкер кінәсін мойындамады. Қалиев алынған қаражат онкологиялық науқастарға арналған оңалту ауруханасын ашуға демеушілік көмек болды деп мәлімдеді. 

Нәтижесінде Іле аудандық соты екеуін де кінәлі деп тапты. Қалиев те, Мутурганова да сегіз жылға бас бостандығынан айырылды. Сондай-ақ, оларға мемлекеттік қызмет атқаруға өмір бойы тыйым салынды. Ал Қалиев «Ерен еңбегі үшін» медалінен айырылды.

Айта кетейік, Air Astana-ны 20 жыл басқарған Питер Фостер компаниядан кетеді.