АҚШ-тағы дипломаттың өлімі: Израилдің Қазақстандағы елшісі мәлімдеме жасады

Вашингтонда Ақ үйден 2 шақырым жерде орналасқан  мұражайда Израиль елшілігінің 2 өкілін атып кетті, деп хабарлайды Orda.kz.

Reuters-тің мәліметінше, Вашингтон полициясының басшысы Памела Смит қылмыскер 4 адамға оқ атып, салдарынан 2 дипломаттың көз жұмғанын айтты. Оқиғаға дейін бөтен ер адамның сол мұражайдың алдында әрі-бері өтіп жүргенін көрген.

Күдікті ұсталды. Ол Чикагодан келген 30 жастағы Элиас Родригес есімді азамат болып шықты. Ұсталған кезде ол: «Палестинаға бостандық!» деп айғайлаған.

Осыдан кейін БАҚ өкілдері премьер-министр Беньямин Нетаньяху Израильдің бүкіл әлемдегі елшіліктеріндегі қауіпсіздік шараларын күшейтуді тапсырғанын хабарлады. Осы жағдайдан кейін «Орда» тілшілері ҚР дипломатиялық қызметіне елшілерді қорғау жағы қалай болып жатқанын сұрап, арнайы сауал жіберген болатын. 

«Біз Израильдің АҚШ-тағы елшілігінің екі қызметкерін Палестинаны жақтайтын террорист өлтіргенін айыптаймыз», – деп жауап берді олар. 

Дипломатиялық қызмет қорғау жайлы сұраққа бұл ақпараттың құпия екенін ескертіп, еш жауап бермеді.