Ақпаннан бастап көпқабатты тұрғын үй құрылысына талап күшейтілді

Енді 28 метрден жоғары көп пәтерлі үйлерді - бұл шамамен 8-10 қабатты - өрт қауіпсіздігі туралы қорытындысыз пайдалануға беруге болмайды. ҚР ТЖМ «Азаматтық қорғау туралы» заңына 2025 жылдың жазында қол қойылған түзетулер күшіне енгеннен кейін жаңа талаптарды қабылдады, деп хабарлайды Orda.kz.

Егер бұрын қабылдау жиі жүрдім-бардым жүргізілсе, енді құрылыс салушыларға салынған үйдің толыққанды өрт-техникалық тексеруден өткізуге тура келеді. Енді гидранттар жұмысы, түтінді жою жүйесі, өрт шығу жолдары, материалдардың отқа төзімділігі және қауіпсіздіктің басқа да негізгі элементтері тексеріледі.

Сәйкестік туралы қорытындыны аумақтық ТЖ басқармалары мен департаменттері береді. Өтінімді онлайн - eGov арқылы «Е-лицензиялау» жүйесіне тапсыруға болады.

ТЖМ атап өткендей, өзгерістердің мақсаты - өрт пен апат қаупін азайту және тұрғын үйді адамдар үшін қауіпсіз ету. Бұл ретте жаңа ережелер үйлерді тапсыру мерзіміне әсер етуі мүмкін: кілттер тұрғындарға құтқарушылардың ресми қорытындысынан кейін ғана берілетін болады.

 
Еске салсақ, былтыр Алғабас ауылындағы 12 адамның өмірін жалмаған жантүршігерлік өрттен кейін министрлер кабинеті тексеру жүргізіп, маңызды шаралар қабылдау керек екенін айтқан болатын.  қайғылы оқиғаның себептерін тергеу үшін арнайы комиссия құрылып, топты вице-премьер Қанат Бозымбаев басқарды. Оның құрамына бірнеше ведомстволардың өкілдері кірді.

Оқи отырыңыз:

• Қазақстандықтар өз кінәсінен өрт құрбаны болуда — ТЖМ
• Түркиядағы қонақ үйде 78 адамның өмірін қиған өртке жауапты 11 адам өмір бойы бас бостандығынан айырылды
• Құтқарушыларымыз жаңа жыл түні 200-ден астам жорыққа шықты