Ақмола облысының әкімі «Хабар» тілшісінің сұрағына шүйлікті

Ақмола облысының әкімі Марат Ахметжанов «Хабар» тілшісінің реновация бағдарламасы бойынша сатып алынған жаңа үйлердің кейбірі апаттық жағдайда тұр деген сұрағына қатысты пікір білдірді, деп хабарлайды Orda.kz.

Әкімнің айтуынша, барлық тұрғындар өз үйлеріне разы.

«Бұндай абсурд сұрақтар қойып қажеті не? Қай жерде үйлер құлап жатқанын маған көрсетіңізші. Халық тұрып жатқан үйлеріне дән риза. Мемлекет басшысы реновация нысандарына барып, өз көзімен көрді», – деді Марат Ахметжанов.

Сондай-ақ әкім Қосшыдағы үйлердің әлі де дайын еместігін айтты, бірақ жылу мәселесі шешілгенін атап өтті. «Жылдың соңына дейін тұрғындар Қосшыдағы үйлерге кіріп, жайлы жағдайда тұрады», – деді ол.

«Ол жақта кәсіпкерлер тұрады. «Қирап жатыр» деген сөзді дәлелсіз айту – абсурд. Нақты дәлел келтіріңіз», – деді әкім.

Еске сала кетейік, Ақтөбе облысы Мұғалжар ауданына қарасты Қожасай ауылының тұрғындары әлі күнге көгілдір отынға қол жеткізе алмай отыр.