Әйелдерге дауыстап сөйлеуге және жүзін көрсетуге тыйым салынды

«Талибан» қозғалысы ауған әйелдеріне көпшілік алдында дауыстап сөйлеуге, пікірін айтуға және үйден тыс жерде жүздерін көрсетуге тыйым салды.

Бұл туралы BBC хабарлады.

Ауғанстандағы «Талибан» қозғалысы «ізгілікті насихаттап, жамандықты жоюға» бағытталған жаңа заңдар қабылдады. Сонымен қатар, енді әйелдерге көпшілік алдында дауыстап сөйлеуге, пікірін айтуға және үйден тыс жерде жүздерін көрсетуге тыйым салынады.

Біріккен ұлттар ұйымы жаңа «жамандық пен ізгілік шектеулерін» айыптап, олардың қабылдануына алаңдаушылық білдірді. БҰҰ-ның жоғары лауазымды шенеунігі жексенбі күні жаңа заң Ауғанстан болашағына алаңдаушылық тудыратынын ескертті.

Заңды «Талибан» қозғалысының жоғарғы жетекшісі Хайбатулла Ахунзада мақұлдады.

Ар-ұят министрлігі - ресми түрде ізгілікті насихаттау және жамандықтың алдын алу министрлігі ретінде  - елде ешкім бұл заңдардан босатылмағанын атап өтті.

Жаңа заң бойынша, қоғамдық орындарда естілетін әйел дауысы да «тыйым» болып саналады. Жаңа шектеулер: «Кәмелетке толған әйел қажеттілікке байланысты үйінен шыққан кезде дауысын, бетін және денесін жасыруы керек» делінген.

Министрлік қазірдің өзінде шариғат заңдарына негізделген осындай моральдық талаптарды орындап, оны орындамағаны үшін мыңдаған адамды қамауға алғанын айтады.

Талибан бұл ережелер олардың шариғат заңдарын түсіндіруіне сәйкес келеді және оны моральдық министрлік орындауы керек дейді.