Air Astana-ның 38 рейсі кешіктіріліп, 10 рейсі тоқтатылды

Air Astana әуекомпаниялар тобы 14 наурызда қалың қардың жаууына байланысты бірқатар рейстер 15 наурызға ауыстырылғанын хабарлады.

Осыған байланысты әуе кемелерiне жердегi қызмет көрсету мен мұз қатуға қарсы өңдеу қызметiне қосымша жүктеме туындағандықтан, Алматыға/Алматыдан рейстер кешiктіріліп және тоқтатылып жатыр. 

Барлығы 38 рейс кешіктіріліп, 10 рейс тоқтатылды.

14 наурызда тоқтатылған рейстер тізімі:  

• KC109/110 Алматы - Бішкек - Алматы;
• KC969/970 Алматы - Ташкент - Алматы.

15 наурызда тоқтатылған рейстер тізімі:

• Алматы - Астана - Алматы KC851/852;
• Алматы - Шымкент - Алматы KC969/970;
• Алматы - Қызылорда - Алматы KC985/986.

«Авиабилеттерді қайтару және қайта брондау мәселелері бойынша сатып алынған жері бойынша хабарласуды сұраймыз. Рейстің мәртебесі туралы өзекті ақпаратты сайтынан немесе Air Astana қосымшасынан тексеруді сұраймыз», - делінген хабарламада.