Абай облысындағы ауылдың бірін қызыл су басты

Абай облысы Бақты ауылындағы тұрғын үйлерді еріген қар суы басып қалды, деп хабарлайды Orda.kz  QazAvtoJol баспасөз қызметіне сілтеме жасап.

«Еріген қар суы Бақты ауылына жетіп, бірнеше тұрғын үйді су басты. Осыған орай, Абай облысының жол қызметкерлері су тасқыны салдарымен күресуде» делінген хабарламада.

Тарбағатай жотасындағы еріген қар суы Таскескен-Бақты облыстық маңызы бар жолға жайылды. QazAvtoJol су қорлары толып кетпейтіні мен қызыл судың ары қарай жайылмайтынына сенімді.

«Бақты ауылының ғимараттары мен тұрғындарының қауіпсіздігін қамтамасыз ету үшін су басқан аумақтарға құм-қиыршық тас қоспасы мен құмға толы қаптар тасымалдануда»,-  дейді мамандар.