Абай облысында жол-көлік оқиғасынан қыз бала қаза тапты  

 Оқиға 27 тамыз күні кешке болды,  факті бойынша қылмыстық іс қозғалды, деп хабарлайды Orda.kz.

 «Жүргізуші Аягөз аудандық полиция бөліміне жеткізілді, онда оған қатысты қажетті процессуалдық әрекет жүргізіліп, уақытша ұстау абақтысына қамалды», деп хабарлайды облыстық полиция департаментінің баспасөз қызметі.

ПД-нің алдын ала мәліметтері бойынша, 21 жастағы жүргізуші көлік құралын жүргізу құқығынсыз көлік айдап,  жаяу жүргіншіні қағып кеткен. Қыз бала медициналық мекемеде алған жарақатынан қайтыс болды.

Бұл көлік дөңгелегінің астында қалып қаза тапқан балалардың алғашқы өлімі емес. 

Былтыр Батыс Қазақстан облысында жол апатынан 11 бала қаза тапты.  Жақында Үржар ауданының Бестерек ауылында үйдің жанында ойнап жүрген балаларды көлік қақты. Үш бала оқиға орнында көз жұмды. 

18 сәуірде жол-көлік оқиғасы  болды. Шағын автобуста 14 пен 16 жас аралығындағы 16 бала және 1990 жылы туған жаттықтырушы болды. Ол көлік ішінде қысылып қалып, алған жарақатынан оқиға орнында қайтыс болды

27 тамызда Шымкент теміржол вокзалы аумағында қайғылы оқиға болды. Полицияның мәліметінше, бала арнайы баспалдақпен жүк вагонына көтеріліп, суретке түскен. Сол кезде оны кернеуі 27 мың вольттық тоқ соққан.