7 млрд сыйақы алатындай «Самұрық-Қазына» басшылығы не тындырды?

«Самұрық-Қазына» ұлттық әл-ауқат қоры өздерінің аудиторлық есептерін жариялады. Есепте «Самұрық-Қазына» мен оның еншілес ұйымдарының директорлар кеңесі мен басқарма мүшелері 2024 жылы шамамен 7,7 млрд теңге табыс тапқаны тайға таңба басқандай көрсетілген, деп хабарлайды Orda.kz.

Құжат Қазақстан қор биржасының KASE сайтында жарияланды. Онда соңғы екі жылдағы директорлар кеңесі мен басқарма мүшелерінен тұратын негізгі басқарушыларға берілген сыйақылардың жалпы қаржысы ашық жазылған.

«Қордың және оның еншілес ұйымдарының директорлар кеңесі мен басқарма мүшелерінен тұратын негізгі басқарушыларға төленген жалпы сыйақысы – 7,687 млрд теңге болған. Бұл ақша топтастырылған жиынтық кіріс туралы есептің жалпы және әкімшілік шығындарына енгізілген» деп жазды «Самұрық-Қазына».

Берілген мәліметке қарасақ, басшылыққа берілген сыйақылар негізінен еңбек келісімшарттарымен белгіленген. Мысалы, жалақы шығындары және компанияның операциялық көрсеткіштеріне байланысты қосымша ақша төлеп отырған.

Сондай-ақ, жалақыға жұмсалған жалпы шығындар (әлеуметтік салық пен аударымдарды қоса алғанда) 2024 жылы 301,9 млрд теңгеге жеткен. Ал 2023 жылы бұл көрсеткіш 271,3 млрд теңге болған.

Еске сала кетейік, мәжілісмен Әділ Жұбанов «Самұрық-Қазына» қорының жұмысын сынға алып,  оны тарату керек деген ұсыныс айтты