43 жұмысшы үйінді астында қалды: 12 минуттан кейін 6,4 балдық жер сілкінісі қайталанды

Мьянмада 7,9 балдық жойқын жер сілкінісінен кейін араға 12 минут салып, тағы бір 6,4 балдық дүмпу тіркелді, деп хабарлайды Orda.kz.

Жерасты дүмпулері көрші Таиландта, оның ішінде Бангкокта қатты сезілді. Қала билігі көпқабатты үйлерден тұрғындарды эвакуациялап, метро қозғалысын тоқтатты.

Қытай жер сілкінісі басқармасының мәліметінше, 6,4 балдық жаңа зілзала алғашқы 7,9 балдық дүмпуден кейін 12 минут өткенде болған.

Жергілікті БАҚ-тың хабарлауынша, Бангкоктағы ғимараттардың бірі құлап, 43 жұмысшы үйінді астында қалған. Тайланд билігі қауіпсіздік мақсатында барлық әуежайлардың жұмысын уақытша тоқтатты.