25 тамызда Газа секторындағы атысты тоқтату және кепілге алынғандарды босату туралы келісім жоспарланған

Газа секторындағы сенбі күнгі израильдік шабуылдардың салдарынан кем дегенде 71 адам қаза тапты, деп хабарлайды Orda.kz

Осындай мәліметтерді Al Jazeera телеарнасы келтіреді.

«Израиль күштері 24 тамыз, сенбі күні Газа секторындағы орталық бөлігіндегі (анклав)  кемінде 71 палестиналықты өлтірді, Дейр-эль-Балах қаласына танктер мен бульдозерлер ілгері жылжыды»,  деп хабарлайды телеарна.

Газаның Денсаулық сақтау министрлігі 24 тамызда Израиль армиясының анклавтағы әрекеттерінен қаза тапқандардың саны 40 334-ке жеткенін, тағы 93 356 адам жараланғанын хабарлады.

Бұдан бұрын хабарланғандай, Израиль мен палестиналық ХАМАС қозғалысы арасындағы Газа секторындағы атысты тоқтату және кепілге алынғандарды босату туралы келісім бойынша келіссөздердің жаңа раунды 25 тамызда өтуі мүмкін.