«240 млн»: Ақтөбе облысында бала-бақша меңгерушісі мен есепшілері қаражат жымқырған  

Ақтөбе облысының Хромтау және Мұғалжар аудандары прокуратуралары бала-бақшаларда 240 млн теңгеден астам бюджет қаражатын талан-таражға салу фактілерін анықтады, деп хабарлайды Orda.kz. 

Есепшілер бюджет қаражатын жұмысшыларға қосымша сыйақы ретінде иемденген. Әрі басшыға сыйақы беру туралы бұйрықтарда төлемдер асыра көтерілген.

Сонымен қатар есепшілердің бірі кейбір қызметкерлерге жоғарылатылған жалақы, қосарланған еңбек демалысы мен іссапар төлемдерін заңсыз есептеу арқылы жалпы көлемі 24 млн теңгеден астам қаражатты иемденген.

Барлық көрсетілген фактілер бойынша Сыбайлас жемқорлыққа қарсы күрес қызметімен сотқа дейінгі тергеп-тексерулер жүргізіліп жатыр.