2026 жылы Рамазан айы ақпанда басталады

Қазақстан мұсылмандары діни басқармасы 2026 жылы өтетін ислам күнтізбесіндегі маңызды мерекелердің алдын ала күндерін жариялады, деп хабарлайды Orda.kz.

Алдын ала бекітілген күндер бойынша:

Рамазан айы 19 ақпанда басталады. Қадір түні 16 наурыздан 17 наурызға қараған түнге сәйкес келеді. Ораза айт 20 наурызда аталып өтсе, Құрбан айт 27–29 мамыр аралығында өтеді.

ҚМДБ өкілдері бұл мерзімдердің ай фазаларына негізделген алдын ала есептеулер екенін атап өтті. Айтулы күндердің нақты уақыты жаңа айдың көрінуіне байланысты өзгеруі мүмкін, сондықтан кейбір күндер  бір тәулікке ертерек не кешігіп келуі ықтимал.