2026 жылдың соңына дейін тоғыз жаңа ұшақ сатып аламыз

Билік жыл соңына дейін авиахабтар жобаларын іске қосып, халықаралық желіні кеңейтуге уәде берді, деп хабарлайды Orda.kz.

Еліміз 2026 жылы тоғыз жаңа ұшақ сатып алып, ішкі және халықаралық әуе қатынасын кеңейтеді. Азаматтық авиация комитетінің төрайымы Салтанат Томпиеваның айтуынша, жыл соңына дейін әуе компаниялары әуе кемелері паркін шамамен 118 бірлікке дейін ұлғайтады. Билік сондай-ақ 23 әлеуметтік маңызы бар авиамаршрутты субсидиялау бағдарламасын жалғастыратын болады.

«2026 жылы Астана мен Шымкент әуежайларында екінші ұшу-қону жолақтарының құрылысы басталады. Алматыда ішкі рейстердің терминалы қайта жөнделеді, ал Ақтау әуежайында перронға күрделі жөндеу жүргізіледі» , - деді ол. 

Халықаралық әуе қатынасына келетін болсақ, рейстерді ашу және қайта бастау, сондай-ақ Орталық Азия мен ТМД елдеріне ұшу жиілігін арттыру жоспарланып отыр. Бұдан басқа, Вена, Токио, Рим, Әбу-Даби, Эр-Рияд, Даммам, Ларнака, Амман, Сиань, Шанхай, Үрімші, Қашғар және Варшаваны қоса алғанда, Еуропаға, Азияға және Таяу Шығысқа бағыттар жұмыс істейтін болады.

Бұрын жазғанымыздай, қысқы мерекелер кезінде Қазақстанда сұранысқа ие ішкі бағыттарда 100-ге жуық қосымша әуе рейстерін іске қосуды жоспарлап отырмыз. Сондай-ақ, авиакомпанияларға рейстердің кешігуі жағдайында ұшақтар мен жерүсті техникасының резервін қарастыру тапсырылды.

Еске салсақ, бұдан былай елімізде дерекқордағы жеке мәліметтерді оңды-солды қолданғандарға ірі айыппұл салынады.