2 жасар бала күнбағыс дәнегіне тұншығып көз жұмды

Петропавлда екі жасар бала күнбағыс дәнегіне тұншығып көз жұмды, деп хабарлайды Orda.kz.

Қайғылы оқиға 13 маусым күні болған. Бала күнбағыс дәнегін жұтып қойған сәтте, үйде ересектер болмаған. Белгілі болғандай, анасы ұлын үйде үлкен балаларға қалдырып, дүкенге шығып кеткен.

Оқиға орнына келген дәрігерлер баланың өмірін сақтап қала алмады.

«Аталған факт бойынша қылмыстық іс қозғалып, оқиғаның мән-жайы анықталып жатыр», – деп хабарлады Солтүстік Қазақстан облыстық полиция департаменті.

Куәгерлердің айтуынша, баланың өмірі үшін екі жедел жәрдем бригадасы күрескен.