17 жастағы Заңғар Нұрланұлы AusOpen бастала салысымен тарихи нәтижеге жетті

ITF әлемдік жасөспірімдер рейтингісінің 12-ші ракеткасы Заңғар Нұрланұлы Австралияның Траралгон қаласында өткен ITF J300 жасөспірімдер турнирінің ширек финалына шығып, тарихи табысқа қол жеткізді, деп хабарлайды Orda.kz.

Түркістан тумасы Австралияның жасөспірімдер арасындағы Ашық чемпионаты қарсаңында өтетін беделді турнирдің үздік сегіздігінің тізіміне сенімді түрде енді.

Үшінші айналым матчында қазақтың жас спортшысы ITF Juniors рейтингісінде 21-орынды иеленген АҚШ өкілі Гэвин Гудты жеңді.

Кездесу екі сетпен аяқталды - 7:6 (7:5), 6:1. Негізгі сәт бірінші партияның тай-брейгі болды, онда Заңғар ойын барысын өзгерте алды, содан кейін екінші сеттегі ойынды толық бақылауында ұстады.

Бұл еліміз үшін тарихи жеңіс болды. Заңғар Нұрланұлы Траралгондағы J300 турнирінің жеке разрядының 1/4 финалына шыққан алғашқы қазақстандық жасөспірім болып тарихқа енді.

Енді осы жарыстың жартылай финалына шығу үшін біздің талантты спортшы 19 қаңтарда ITF Juniors рейтингінде бесінші орынды иеленген бразилиялық Луиш Гута Мигельмен жекпе-жек өткізеді.

Еске салсақ, 6-22 ақпанда Милан мен Кортина-д'Ампеццода XXV қысқы Олимпиада ойындары өтеді. Қазақстандықтар жарыс барысын Qazaqstan, Qazsport, «Хабар» және Jibek Joly республикалық телеарналарының тікелей эфирінен көре алады.

Спорт тақырыбын ұсынамыз:

• Елімізде балаларға бокс пен ат спортымен айналысуға тыйым салынады
• «Ұлттық спорт түріне басымдық беріледі»: Туризм және спорт министрлігіндегі жаңа заң
• «Медеу» спорт кешенінің ашылғанына 52 жыл толды
• Қысқы Олимпиаданы тікелей эфирден қайда көруге болады