17 мыңға жуық адам баспана кезегінен шығарылды

2024 жылдың мамыр айынан бастап 17 мыңға жуық қазақстандық баспана кезегінен шығарылды.

Қазіргі таңда 650 мың қазақстандық тұрғын үй кезегінде тұр. Соның 255 140 жуығы әлеуметтік жағдайы төмен азаматтар. Тұрғын үй кезегіндегі тұрғандардың тізімін жыл сайын түгендеу барысында Қазақстанда жалпы 300 мыңға жуық адам тізімнен шығарылуы мүмкін екенін көрсетті. Ол санатқа талапқа сай келмейтін, баспанасы бар немесе заң бойынша тұрғын үй алуға өтініш беруге құқығы жоқ тұлғалар кіреді.

Кезекте тұрғандар арасында ең үлкен сәйкеспейтін мәліметтер мынадай болды:

•  Кезекте тұрған адамның және оның отбасы мүшелерінің тұрғын үй жылжымайтын мүлкі болса;
• Кезекте тұрған адамның отбасы мүшелері туралы деректердің сәйкес келмеуі;
• Әлеуметтік жағдайының сәйкес келмеуі толық емес отбасы, 1 және 2 топтағы мүгедектер және т.б;
• Мемлекеттік қызметші мәртебесінің сәйкес келмеуі, нақтырақ айтқанда АЖ-де ekyzmet порталында деректерінің болмауы сынды деректер.

Биыл мамыр айынан бастап министрлік kezekte.kz ақпараттық жүйесін әзірлеушілермен бірлесіп, кезекте тұрғандардың сәйкеспейтін мәліметтерін, жеке деректерін жаңарту қажеттілігі туралы SMS хабарлама арқылы хабардар қылады.

Қабылданған шаралар нәтижесінде азаматтар тұрғылықты жері бойынша әкімдіктерге мәліметтерді жаңарту үшін белсенді түрде келе бастады. Бүгінгі таңда 34 мың азаматты кезектен шығару туралы шешім қабылданды. Мамыр айынан бүгінге дейін 17 000 азамат кезектен шығарылды.