«16 жасар қалыңдық»: Абай Бегейдің қызының тойы

Абай Бегейдің 16 жасар қызы қалыңдық атанып, оның ұзату тойы әлеуметтік желілерде дау тудырды.

Бұл туралы Orda.kz хабарлады.

Әлеуметтік желілерде белгілі әнші Абай Бегеевтің 16 жасар қызы Сымбаттың ұзату тойы төңірегінде дау-дамай басылар емес. Еліміздің заңына сәйкес, әр азамат үйлену үшін 18 жасқа толуы қажет. Алайда қалыңдықтың жасы 17-ге де толмаған. Желі қолданушылары осы жайды жарыса жазып жатыр.

Бұрын алып қашу мәселесіне қарсы шыққан белсенділер де қазіргі жағдайға түсініктеме беруді талап етіп жатыр.

Қазақстан заңы бойынша, үйлену үшін екі тараптың толық келісімі болуы және олар кәмелет жасқа толуы қажет. Заң бойынша үйлену жасы 18 жас. Ал бұл жасты төмендетуге тек жүктілік немесе ортақ бала болса ғана рұқсат етіледі. 

Әлеуметтік желілерде осы той әлі де талқыланып жатыр. Үйлену тойының тікелей эфирі уoutube-та 170 мыңнан астам қаралым жинады.