16 миллион қазақстандықтың жеке деректерінің таралуына байланысты қылмыстық іс қозғалды

Қазақстанда 16 миллион азаматтың жеке деректері тарағаннан кейін қылмыстық іс қозғалды, деп хабарлайды Orda.kz.

Бұл туралы Бас прокурордың орынбасары Ғалымжан Қойгелдиев мәлімдеді. Оның сөзінше, тиісті тапсырманы Бас прокурор Берік Асылов берген.

«Қылмыстық іс тіркелді. Қазір ол ішкі істер министрлігіне жолданып, тергеу басталды. Қай бап бойынша қозғалғанын өздеріңіз шамалайсыздар, сондықтан әзірге егжей-тегжейлі ақпарат бере алмаймыз», — деді Қойгелдиев.

Айта кетейік, цифрлық даму министрі Жасұлан Мәдиев тараған деректердің ескі екенін айтқан болатын. Оның сөзінше, бұл — 2024 жылғы 1 мамырға дейінгі мәліметтер.