$10 миллионға алтын дәретсауыт сатылады

Sotheby's аукцион үйі қазіргі заманғы өнердің ең көп талқыланатын туындыларының бірі - Маурицио Каттеланның алтын дәретсауытын сатуға дайындап жатыр. Қабырғаға скотчпен желімделген бананды орнату арқылы танылған автор өзінің жаңа туындысын «Америка» деп атады, деп хабарлайды Orda.kz The New York Times газетіне сілтеме жасай отырып.

 Жұмыс істеп тұрған дәретсауыт 18 караттық алтыннан жасалған және салмағы шамамен 100 келі. Сауда-саттық 18 қарашаға белгіленген, бастапқы бағасы шамамен $10 миллион, бірақ аукцион күні алтынның нарықтық құнына байланысты түзетілуі мүмкін. 

Бұл жұмыс 2016 жылы жасалған, бар болғаны оның екі данасы бар. Олардың бірі Marian Goodman галереясы 2017 жылы жеке коллекционерге сатылған. Sotheby's вице-президенті Дэвид Гальперин шығарманы «таза арандатушылық» деп санауға болмайды деп атап өтті.

«Каттелан -  заманымыздың ұлы суретшілерінің бірі. Оның «Америка» деп аталған «еңбегі» - мысқыл және сонымен қатар философиялық ишарат»,- дейді ол. 

Sotheby's жанжалды жұмыс құлдырауды бастан кешіп жатқан арт-нарықты жандандырады деп есептейді. Бұрын сол аукцион үйі Каттеланның тағы бір жобасын - Comedian деп аталатын скотчпен жапсырылған бананды $6,2 миллионға сатты, бұл күтілген бағадан әлдеқайда асып түсті.

Гальпериннің айтуынша, «Америка» 1917 жылы қарапайым дәретсауытты арт-нысанға айналдырған Марсель Дюшан бастаған дәстүрді жалғастырды.

«Дюшан дәретсауытты табалдырыққа қойды, ал Каттелан, керісінше, заттың тікелей мақсатын қайтарды - оны таза алтыннан жасады»,- деді ол. 

Тағы айта кетерлігі «Ғасыр ұрлығы» деп жұрт айдар таққан Луврдан ұрланған жәдігерлерді астыртын ондаған миллион еуроға сатуға тырысқан, ұрылардың арасында әйел адам да бар.