Жүрегі тоқтап қалды - тағы бір әскери борышын өтеп жүрген сарбаз қайтыс болды

Жас жігіт Жамбыл облысында қайтыс болды, ол ҚР ІІМ Ұлттық гвардиясы қатарында қызмет етіп жүрген, 6 қаңтарда оның жүрегі тоқтап қалды. Дәрігерлер әскери қызметшіні құтқаруға тырысты, бірақ жас жігіт ауруханада қайтыс болды, деп хабарлайды Orda.kz.

Алдын ала қойылған диагноз - «жіті лейкоз» деп аталады. Ұлттық ұланның баспасөз қызметінің мәліметінше, қызмет кезеңінде сарбаздар медициналық көмекке жүгінген, дәрігерлердің бақылауында болған және Шымкенттің емдеу мекемелерінде тексеруден өткен.

«Әскери-тергеу басқармасы қылмыстық іс қозғады. Жағдай - ішкі істер министрі орынбасарының жеке бақылауында», деп түсіндірді ведомствоның баспасөз қызметі. 

Өткен жылдың желтоқсан айында Атырауда қаза тапқан тағы бір әскердің анасы істі қайта қарауды талап етті. Оның 18 жасар ұлы 2024 жылдың сәуірінде Ұлттық гвардияда қызмет етіп жүріп қаза тапты.

Құжаттарда қайтыс болудың ресми себебі ретінде жүректің кенет тоқтауы екені көрсетілген. Бірақ, анасының айтуынша, жігіттің созылмалы аурулары болған жоқ. Әйел өлім зорлық сипатта деп есептейді.

Еске салсақ, президент Қасым-Жомарт Тоқаевтың төрағалығымен Қарулы Күштердегі, басқа да  әскерлер мен әскери құрылымдардағы әскери және құқықтық тәртіп мәселелері бойынша кеңес өтті.

 Тақырыпқа қатысты ұсынамыз:

• Әскердегі кезекті өлім: Миы жаншылған сарбаз өз-өзін екінші рет қалай ата алды?
• «Қастық жасады»: Маңғыстаудағы әскерде уланып қаза тапқан сарбаздың туыстары мәлімдеме жасады
• «Суицид дегенге сене алар емеспіз»: Алматы облысында 19 жастағы сарбаз көз жұмды
• «Бәс тігіп, түрмеге төбелеске апарған»: 26 жарақат алған сарбазды офицерлер қалай өлтірген?